Celotehan Masmus

menggelorakan jiwa

Kesanku melu MUA ILUSA

with 8 comments

Musyawarah Umum Anggota Ikatan Alumni SMAN Blora (MUA ILUSA I) tahun 2007

ilusa-logo.jpg

Pengalamanku melu MUA wingi pancen paling berkesan. Wong-wong sepuh podho semangat, lucu ora kalah karo sing enom-enom. Malah mungkin luwih semangat karo sing enom. Aku nganti gumun karo suasana kekeluargaan sing raket banget. Koyo sedulur sing wis podho kenal suwe lagi podho ngumpul.

Pas pisanan, aku jejer karo Pak Amin Purwakarta umure mung kacek sithik karo Bapakku ning usulan lan semangate isih koyo aktivis mahasiswa. Ora kalah maneh Pak Teguh Budhi Pramono sing lenggahe ono ning deretan kursi ngarepku. Jan suasanane MUA sing dikumandani karo Pakde Parno pancen sueger. Pakde Parno malah dadi trandmark sidang MUA wingi. Thik ora iku, wong panjenenganipun iki sing mimpin sidang soko awal nganti akhir kaliyan Pak Danardono lan Prof. Edi Suwono je. Nek menurutku lucu-lucu nggemeske. Pokokke mblora buanget leh. Palu pimpinan sindang nanggo gedokan tangan dok… dok… dok…! -) MUA rampung ngasilke pengurus ILUSA sing anyar.

Pas lagi rehat ngombe teh ono bapak-bapak sing nakoni aku: engineer ya? dari mana? lan sak piturute…….. Aku banjur takon njenengan sinten Pak? Oalah iki to sing asmane Pakdhe Sunardji ketua ILUSA sing dadi Wakil Rektor UI. Pas banget ciri khase pendidik utowo dosen lan ketok intelek . Dadi ngomonge yo akrab koyo mahasiswa lan dosene. Yo piye maneh aku yo lagi pisanan iki melu ILUSA dadi durung tepang, durung pernah ketemu sak durunge. Mung ngerti jeneng lan jabatan soko internet.

Om Pras.. we lah iki… sing dadi bintange artis sinetron ILUSA. Mbiyen aku dicritane koncoku nek Om Pras iku jendral. Bayanganku yo tegas, kaku, keker, angker utowo serem. Jebule adoh soko kesan kuwi. Om Pras kuwi grapayak buanget. Senajan wis sepuh (angk.’69) ning koyo isih enom umur 40 tahun. Sing paling nggumunke Om Pras kuwi pinter babagan teknologi informasi (IT). Jan puinterre puol. Lagi pisan ketemu Om Pras langsung ngerti nek aku nduwe blog (padahal agi sewulan lan durung okeh tulisanne), pernah ngedit ning wikipedia, banjur kuwi Om Pras ngedit tulisanku ditata apik thirik-thirik. Kok ono yo wong tuwo, jendral, ngganteng, ning pinter internet. Jan aku sing enom ae kalah kok. Nganti Om Pras pesen karo aku kon nulis ning wikipedia basa jawa. Alah iki maneh. Aku iki wong jawa, ning nek nulis Basa Jawa ning tak akoni jarang banget, iso tak arani ora pernah malah. Lha nulis email iki yo latihan kok. Jarene Om Pras penutur basa Jawa iku akeh, ning artikel sing nganggo Basa Jawa sithik. Kuwi nunjukke wonge males. Nyumbang tulisan Basa Jawa yuk! -)

Wong sing paling sibuk lan dadi kunci sukses MUA wingi sopo maneh nek ora Budhe Ipoeng. Nganti ngecek aku bola-bali undangane wis ditampa durung lan mesthekke iso melu MUA po ra. Padahal sak durunge aku yo ora kenal. Pancen aku pernah nulis jeneng ning website ilusa. Terus di-SMS kon melu MUA makili angkatan 2000. Opo maneh Budhe iku sregep lan trengginas, rajin ngisi milis Ilusa. Ora salah maneh nek peserta MUA milih Budhe dadi Ketua ILUSA periode 2008-2010. Senajan sak durunge ora saguh dadi ketua. Pengin njaluk pensiun, sing enom ae akeh. Ning sak wise dirayu-rayu akhire yo gelem dadi ketua. Sarate sing enom2 gelem bantu, ora mung Ketua lan Sekjen sing ubyek dhewe. Wis yo, Sugeng ngayahi tugas kagem Budhe Dra. Sri Purnomowati, Apt., MSi!

Nek tak tulis kabeh ora rampung-rampung ki. Tanganku yo wis kemeng je. -)

Salam kagem sedaya sesepuh ILUSA, pengurus, lan sedaya peserta MUA kala wingi. Nuwun ngapunten sedaya lepat!
-)

Written by mus

20/12/2007 pada 07:33

Ditulis dalam Blora, Info

Tagged with , , , ,

8 Tanggapan

Subscribe to comments with RSS.

  1. Dadi pingin balik mblora. Tahu lontonge karo rawone ngangeni. Sederek-sederek alumni smansa 98 piye kabare?

    Suka

    Encup(smansa 98)

    22/03/2010 at 11:25

  2. Lha..oalah…lha iki kontrak e rung rampung kih, aq jik mbabu ndek Hongkong je. Paling insyaallah suk juni iki tilik simbok…

    Suka

    Rie Rie

    21/02/2009 at 18:34

  3. eling blora , aku kelingan karo gudang banyu, tirtonadi, bioskop garuda, bioskoip tridaya , alun-alun , halte, karo warunge de bari cedak halte , wis 20 tahun aku ora bali blora, kuwi isih yo !

    Suka

    dwiyono

    26/08/2008 at 09:00

  4. SUKSES TUERUSSS BUAT SMK N 2 BLORA…….
    KALIAN IS THE BEST

    Suka

    suprayitno

    23/06/2008 at 19:47

  5. Waduh Mbak Rie kepiye to. Wong mblora yo?
    Wong mblora jarene tegar2, ulet2, ora gampang megeluh ngono kuwi.

    Nek ora iso mulih mBlora yo silaturahim kaliyan tiyang mblora. Ben ra nggersah ra ngono to mbak?

    Suka

    admin

    02/01/2008 at 21:50

  6. hua hua hua……
    Rie yo ex smansa e
    kapan aq iso bali Blora maneh, oalah nasib nasib…

    Suka

    Rie

    02/01/2008 at 13:16

  7. mbok nek eneng acara aku dikei kabar cah… po do gak mesakne aku…

    Suka

    sugikkkkkk

    26/12/2007 at 12:05

  8. Cara mBlorané:

    melu = mèlok
    karo = ambèk
    luwih = luwèh

    delengen dhialèk mBlora ing : http://jv.wikipedia.org/wiki/Dhialek_Blora

    ayoo ayooo cah enom-enom dha semangatt!!

    Suka

    Pras'68

    20/12/2007 at 11:46


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: